mere lab par koi dua hi nahin
is karam ki kuchh intiha hi nahin
kashti-e-e'tibar toD ke dekh
ki KHuda bhi hai na-KHuda hi nahin
meri hasti gawah hai ki mujhe
tu kisi waqt bhulta hi nahin
ab use na-ummid kyun kahiye
dil ko taufiq-e-muddaa hi nahin
gham mein lazzat kahan ki dil na raha
hae wo hasrat-ashna hi nahin
wahi tu hai wahi teri mahfil
ek 'fani'-e-mubtala hi nahin
Ghazal
Mere lab par koi dua hi nahin
Fani Badayuni