میرا بچپن ہی مجھے یاد دلانے آئے
پھر ہتھیلی پہ کوئی نام لکھانے آئے
آ کے چپکے سے کوئی چیخ پڑے کانوں میں
گدگدانے نہ سہی آئے ڈرانے آئے
لوٹ لے آ کے مری صبح کی میٹھی نیندیں
میں کہاں کہتا ہوں وہ مجھ کو جگانے آئے
میرے آنگن میں نہ جگنو ہیں نہ تتلی نہ گلاب
کوئی آئے بھی تو اب کس کے بہانے آئے
دیر تک ٹھہری رہی پلکوں پہ یادوں کی برات
نیند آئی تو کئی خواب سہانے آئے
غزل
میرا بچپن ہی مجھے یاد دلانے آئے
اصغر مہدی ہوش