mera aur phulon ka rishta TuT gaya
khiDki band hui aur sapna TuT gaya
chiDiyan kab aaankhon se baaten karti hain
subh hui ghar ka sannaTa TuT gaya
bagh ki virani ka aini shahid hun
tanhai ke bojh se jhula TuT gaya
aaj bhi mera hath pakaD kar ghumegi
aaj phir us laDki ka chashma TuT gaya
peD aur dil mein koi KHas talluq hai
hawa chali aur aaKHiri patta TuT gaya
Ghazal
Mera aur phulon ka rishta TuT gaya
Iliyas Babar Aawan