Mar gaya gham mein tere hae mein rota rota

mar gaya gham mein tere hae mein rota rota
jeb-o-daman ke tain ashk se dhota dhota

ghair-az-KHar-e-sitam kuchh na uga aur kahin
kisht-e-ulfat mein phira ashk mein bota bota

rafta rafta hua aaKHir ke tain ko muflis
naqd ko umr ki main hijr mein khota khota

garche farhad tha aur qais junun mein mashhur
ek din main bhi pahunch jaunga hota hota

chaunk 'asif' ne banaya ajab apna ahwal
uTh gaya pas sin to subh jo sota sota