main baam-o-dar pe jo ab saen saen likhta hun
tamam shahar ki saDkon ki raen likhta hun
tawil galiyon mein KHamoshiyan ugi hain magar
har ek dariche pe ja kar sadaen likhta hun
safed dhup ke tude hi jan pe girte hain
inhi udas gharon ki kathaen main likhta hun
hawa ke dosh pe raqsan nahif patton par
badalte mausamon ki ittilaen likhta hun
main jhunjhlahaTon par zabt kar nahin sakta
saDak pe chalte hue daen baen likhta hun
tere KHulus ne mujh se wo dushmani ki hai
tere liye to main ab bad-duaen likhta hun
Ghazal
Main baam-o-dar pe jo ab saen saen likhta hun
Tariq Jami