lamha lamha ek nai sai-e-baqa karti hui
kaT rahi hai zindagi KHud ko fana karti hui
teri chup hai ya mere andar macha kohram hai
koi shai to hai zaban ko be-nawa karti hui
apne andar reza reza TuT kar bikhra hun main
hai ye kya shai chor dil ka aaina karti hui
kisht-e-jaan se din ko kaTti hai nae zaKHmon ki fasl
raat aati hai inhen phir se hara karti hui
mere hone se na hone ka sabab paida hua
mujh ko hasti hi thi KHud mujh se juda karti hui
maut to 'azad' hai aazadiyon ka ek jahan
zindagi hai har nafas KHud ko riha karti hui
Ghazal
Lamha lamha ek nai sai-e-baqa karti hui
Azad Gulati