KHwab aankhon mein sawali hi rahe
kasa-e-tabir KHali hi rahe
raqs karti KHwahishon ke zer-e-pa
dil shikar-e-paemali hi rahe
KHak ho jate lahu ki aag mein
jism ke kuze sifali hi rahe
zindagi in se siwa nikli yahan
falsafe sare KHayali hi rahe
sabza-e-maidan pe kab utri KHizan
shor is ka Dali Dali hi rahe
chand nikla to ghazab Dha jaega
raat behtar hai ye kali hi rahe
Ghazal
KHwab aankhon mein sawali hi rahe
Obaid Siddiqi