KHuda kisi kun kisi sath aashna na kare

KHuda kisi kun kisi sath aashna na kare
wagarna yar kun aashiq sun bewafa na kare

bhali hawa-e-qayamat azab-e-hashr ki sulh
wale kisi ko KHuda kis ka mubtala na kare

sun iltimas na kar ab sun tun juda mujh ko
rula na hans ke tun kah kah aji KHuda na kare

kisi sanam kun ai zahid tun dil na de bojha
wo banda kiya jo muqarrar koi KHuda na kare

teri nigah-e-KHunuk ne jo dil sun garmi ki
kali upar ye nawazish kabhu saba na kare

laga churane wo qassab hum sun KHanjar-e-chashm
hamare haq mein koi KHair ki dua na kare

muhit-e-yas mein tum ne Dubai kashti-e-dil
KHuda kisi kun KHuda-fahm na-KHuda na kare

chaman mein dekh kaha mujh ko pi ne aankh dikha
mariz-e-ishq ki daru yahi dawa na kare

kisi kun haq na kare sham-e-hijr-e-yar ki shama
kise baghair ajal ranja-e-fana na kare

diya patang kun garm-ulfati sun sozan hai
wo juz-dua dil-e-ashiq bane dua na kare

jo tegh-e-abru-e-jaanan ka saya-parwar hai
wo 'uzlat' aarzu-e-shahpar-e-huma na kare