KHud se jab be-zari ho
kis se baat tumhaari ho
chahe mujh se dur raho
meri zimmedari ho
ek sa mausam lagta hai
KHushi ho ya be-zari ho
tum bhi bazm mein ho maujud
rag bhi phir darbari ho
dil ka haal chhupa lun to
achchhi duniya-dari ho
khul ke mujh se baat kare
jis ko kuchh dushwari ho
KHush mat ho ye mumkin hai
agli teri bari ho
gila nahin us se jis ko
hansne ki bimari ho
Ghazal
KHud se jab be-zari ho
Jyoti Azad Khatri