Jo diya tu ne hamein wo surat-e-zar rakh liya

jo diya tu ne hamein wo surat-e-zar rakh liya
tu ne patthar de diya to hum ne patthar rakh liya

siskiyon ne chaar sau dekha koi Dhaaras na thi
ek tanhai thi us ki god mein sar rakh liya

ghuT gaya tahzib ke gumbad mein har KHwahish ka dam
jangalon ka mor hum ne ghar ke andar rakh liya

mere baalon pe saja di garm sahraon ki dhul
apni aankhon ke liye us ne samundar rakh liya

darz tak se ab na phuTegi tamanna ki phuwar
chashma-e-KHwahish pe hum ne dil ka patthar rakh liya

wo jo uD kar ja chuka hai dur mere hath se
us ki ek bichhDi nishani taq mein par rakh liya

did ki jholi kahin KHali na rah jae 'adim'
hum ne aankhon mein tere jaane ka manzar rakh liya

phenk den galiyan birun-e-sahn sab is ne 'adim'
ghar ki jo manga tha main ne wo pas-e-dar rakh liya