-jahan-e-KHwab-e-mehrban ki KHair ho
mere zamin-o-asman ki KHair ho
hawa ka rang Dhang hi kuchh aur hai
dua karo ki aashiyan ki KHair ho
wo chahta hai apni ek salamti
main chahta hun karwan ki KHair ho
jahan hai tirgi wahan ho raushni
jahan hai raushni wahan ki KHair ho
ye jazb-o-kaif yun hi mustaqil rahen
dua hai dil ke aastan ki KHair ho
Ghazal
-jahan-e-KHwab-e-mehrban ki KHair ho
Shamshir haidar