jaane kya dekha tha main ne KHwab mein
phans gaya phir jism ke girdab mein
tera kya tu to baras ke khul gaya
mera sab kuchh bah gaya sailab mein
meri aankhon ka bhi hissa hai bahut
tere is chehre ki aab-o-tab mein
tujh mein aur mujh mein talluq hai wahi
hai jo rishta saz aur mizrab mein
mera wada hai ki sari zindagi
tujh se main milta rahunga KHwab mein
Ghazal
Jaane kya dekha tha maine KHwab mein
Shahryar