is shahr-e-sang-e-saKHt se ghabra gaya hun main
jangal ki KHushbuon ki taraf ja raha hun main
manzar ko dekh dekh ke aankhen chali gain
hathon se aaj apna badan DhunDhta hun main
chilla raha hai koi mere lams ke liye
andhiyari wadiyon se nikal bhagta hun main
qatil ke hath mein koi talwar hai na tegh
wo muskura raha hai mara ja raha hun main
mujh ko wo mere dil ke ewaz de sakenge kya
'mamun' duniya walon se kya mangta hun main
Ghazal
Is shahr-e-sang-e-saKHt se ghabra gaya hun main
Khaleel Mamoon