hazar chaha lagaen kisi se dil lekin
bichhaD ke tujh se tere shahr mein raha na gaya
kabhi ye soch ke roe ki mil sake taskin
magar jo rone pe aae to phir hansa na gaya
kabhi to bhul gae pi ke nam tak un ka
kabhi wo yaad jo aae to phir piya na gaya
sunaya karte the dil ko hikayat-e-dauran
magar jo dil ne kaha hum se wo suna na gaya
samajh mein aane laga jab fasana-e-hasti
kisi se haal-e-dil-e-zar phir kaha na gaya
Ghazal
Hazar chaha lagaen kisi se dil lekin
Baqar Mehdi