har-chand ki ho mariz-e-mohtat
kya kar sake ba-fasad iKHlat
idris ki salaha rahi hai
kuche mein tere dukan-e-KHayyat
ruKH par tere dekh sabza-e-KHat
hairan hain sab jahan ke KHattat
jitni mere dil mein hai teri chah
kam hogi na is se nim qiraat
KHun se tere bismilon ke dekhi
kuche mein tere bichhi suqarlat
qad us ka nahin agarche kotah
hai jism ki laghari ba-ifraat
ai yaro na 'mushafi' ko koi
samjho na kam-az-rashid-witwat
Ghazal
Har-chand ki ho mariz-e-mohtat
Mushafi Ghulam Hamdani