har-chand bahaar o bagh hai ye
par kis ko dil o dimagh hai ye
hai bund araq ki zulf ke bich
ya gauhar-e-shab charagh hai ye
kya lale ko nisbat apne dil se
yani ki tamam dagh hai ye
dar-guzre hum aisi zindagi se
duniya mein agar faragh hai ye
phir itni darang kya hai saqi
mai hai ye aur ayagh hai ye
aisa gaya 'mushafi' jahan se
yaro mere dil pe dagh hai ye
jo phir na kaha kisu ne itna
us gum-shuda ka suragh hai ye
Ghazal
Har-chand bahaar o bagh hai ye
Mushafi Ghulam Hamdani