hum neutral hain KHarja hikmat ke bab mein
nai hath bag par hain na pa hain rikab mein
yun kanpta hai shaiKH KHayal-e-sharab se
jaise kabhi ye Dub gaya tha sharab mein
is baat par bhi hum ne kai bab likh diye
jo baat rah gai thi KHuda ki kitab mein
tanqid-e-jam-o-mai to bahut ho chuki huzur
ab kya KHayal hai gham-e-hasti ke bab mein
rindon ki be-hisi bhi KHabar-dar chiz thi
aksar jhagaD paDe hain hisab-o-kitab mein
lutf is mushaire mein mila coktel ka
jamuna ka ras bhi aan mila hai chanab mein
Ghazal
Hum neutral hain Khaarja hikmat ke bab mein
Syed Zameer Jafri