hasil us mah-laqa ki did nahin
id hai aur hum ko id nahin
chheD dekho ki KHat to likkha hai
mere KHat ki magar rasid nahin
jaante hon umid-war mujhe
un se ye bhi mujhe umid nahin
yun taraste hain mai ko goya hum
pir-e-mai-KHana ke murid nahin
KHun ho jaen KHak mein mil jaen
hazrat-e-dil se kuchh baid nahin
aao mere mazar par bhi kabhi
kushta-e-naz kya shahid nahin
hum to mayus hain magar 'beKHud'
dil-e-na-fahm na-umid nahin
Ghazal
Hasil us mah-laqa ki did nahin
Bekhud Badayuni