gul tere mukh ki fikr mein bimar
jiw bulbul ka tujh qadam pe nisar
gul kun ai shoKH mukh tanik dikhla
ki KHizan kar dikha de us kun bahaar
mast se dil kun hai hazar lazim
nain tere bahut hue sarshaar
is gali mein qadam karam sun dhar
ki karun har qadam pe jiw nisar
marti mujh kun ai kaman abru
ye palak tir o ye nigah talwar
hijr mein tere aah karta hai
dil-e-ashiq nahin hai Tuk bekar
kya kare tujh se papi sun 'faez'
sina gham sun hai tere aabla-dar
Ghazal
Gul tere mukh ki fikr mein bimar
Faez Dehlvi