dayar-e-KHwab mein koshish hai phir sajaane ki
bana raha hun main taswir aashiyane ki
abhi to sirf bagule uThe KHayalon mein
abhi se rukne lagi nabz kyun zamane ki
shuaen dene lage aisa ke andhere bhi
nai ada hai charaghon mein jhilmilane ki
mahaz main ne hi apne KHilaf khola hai
ki aa gai hai ghaDi KHud ko aazmane ki
zara si Thes se aansu nikal paDe warna
ye koi rasm nahin hai diye jalane ki
Ghazal
Dayar-e-KHwab mein koshish hai phir sajaane ki
Sauf Sadiq