اردو हिंदी
CharKH se kuchh umid thi hi nahin | Shaahi Shayari
charKH se kuchh umid thi hi nahin

Ghazal

CharKH se kuchh umid thi hi nahin

Akbar Allahabadi

;

charKH se kuchh umid thi hi nahin
aarzu main ne koi ki hi nahin

mazhabi bahas main ne ki hi nahin
faltu aql mujh mein thi hi nahin

chahta tha bahut si baaton ko
magar afsos ab wo ji hi nahin

jurat-e-arz-e-haal kya hoti
nazar-e-lutf us ne ki hi nahin

is musibat mein dil se kya kahta
koi aisi misal thi hi nahin

aap kya jaanen qadr-e-ya-allah
jab musibat koi paDi hi nahin

shirk chhoDa to sab ne chhoD diya
meri koi society hi nahin

puchha 'akbar' hai aadmi kaisa
hans ke bole wo aadmi hi nahin