be-sabab wo na mere qatl ki tadbir mein tha
us ke hathon hi se miTna meri taqdir mein tha
muntazir tha tera diwana-e-gesu jis raat
aalam-e-chashm har ek halqa-e-zanjir mein tha
jumbish-e-lab ka guman hota tha aashiq ko tere
is qadar lutf-e-KHamoshi teri taswir mein tha
o kaman-abru jo ek tir lagaya to kya
ishtiyaq is se zyaada dil-e-naKHchir mein tha
murgh-e-bismil sa taDapta tha har ek murgh-e-sahar
asar-e-tir mere nala-e-shab-gir mein tha
Ghazal
Be-sabab wo na mere qatl ki tadbir mein tha
Shuoor Balgirami