ai shab-e-hijr ab mujhe subh-e-visal chahiye
taza ghazal ke waste taza KHayal chahiye
ai mere chaara-gar tere bas mein nahin moamla
surat-e-haal ke liye waqif-e-haal chahiye
ahl-e-KHirad ko aaj bhi apne yaqin ke liye
jis ki misal hi nahin us ki misal chahiye
us ki rafaqaton ka hijr jheliye kab talak 'salim'
apni tarah se ab mujhe wo bhi niDhaal chahiye
Ghazal
Ai shab-e-hijr ab mujhe subh-e-visal chahiye
Saleem Kausar