ai sanam tujh birah mein rota hun
ashk-e-KHunin sin munh kun dhota hun
bandagi mein mujhe qubul karo
main tumhaara ghulam hota hun
barish-e-ab-e-ashk hai darkar
dagh-e-hijran ke bij bota hun
bolta hun jo wo bulata hai
tan ke pinjre mein us ka tota hun
mat kaho mujh sin qissa-e-farhad
KHwab-e-shirin mein aaj sota hun
gauhar-e-ashk kun misal-e-'siraj'
rishta-e-ah mein pirota hun
Ghazal
Ai sanam tujh birah mein rota hun
Siraj Aurangabadi