abr mein yaad-e-yar aawe hai
girya be-iKHtiyar aawe hai
bagh se gul-izar aawe hai
bu-e-gul par sawar aawe hai
ai KHizan bhag ja chaman se shitab
warna fauj-e-bahaar aawe hai
ai saba kis taraf ko guzri thi
tujh se bu-e-nigar aawe hai
mujh hawa-KHwah se gurez so kyun
tujh ko kya mujh se aar aawe hai
sun ke kahne lage kisi ke koi
kahe ko bar bar aawe hai
is qadar bas-ki roz milne se
KHatiron mein ghubar aawe hai
main to kya 'hatim' aise bad-KHu se
kis ko sohbat barar aawe hai
Ghazal
Abr mein yaad-e-yar aawe hai
Shaikh Zahuruddin Hatim