aaghaz to hota hai anjam nahin hota
jab meri kahani mein wo nam nahin hota
jab zulf ki kalak mein ghul jae koi rahi
badnam sahi lekin gumnam nahin hota
hans hans ke jawan dil ke hum kyun na chunen TukDe
har shaKHs ki qismat mein inam nahin hota
dil toD diya us ne ye kah ke nigahon se
patthar se jo Takrae wo jam nahin hota
din Dube hai ya Dubi baraat liye kashti
sahil pe magar koi kohram nahin hota
Ghazal
Aaghaz to hota hai anjam nahin hota
Meena Kumari