khila rahega kisi yaad ke jazire par
ye bagh main jise viran karne wala hun

Aftab Hussain

---

---

itni sari yaadon ke hote bhi jab dil mein
virani hoti hai to hairani hoti hai

Afzal Khan

---

---

goya tumhaari yaad hi mera ilaj hai
hota hai pahron zikr tumhaara tabib se

Agha Hashr Kashmiri

---

---

yaad mein teri jahan ko bhulta jata hun main
bhulne wale kabhi tujh ko bhi yaad aata hun main

Agha Hashr Kashmiri

---

---

aaj ek aur baras bit gaya us ke baghair
jis ke hote hue hote the zamane mere

Ahmad Faraz

---

---

is zindagi mein itni faraghat kise nasib
itna na yaad aa ki tujhe bhul jaen hum

Ahmad Faraz

---

---

kitne nadan hain tere bhulne wale ki tujhe
yaad karne ke liye umr paDi ho jaise

Ahmad Faraz

---

---