dil se KHayal-e-dost bhulaya na jaega
sine mein dagh hai ki miTaya na jaega

Altaf Hussain Hali

---

---

'amir' ab hichkiyan aane lagi hain
kahin main yaad farmaya gaya hun

Ameer Minai

---

---

kaun uThaega tumhaari ye jafa mere baad
yaad aaegi bahut meri wafa mere baad

after I am gone, your torture who will bear
you'll miss my devotion, when I am not there

Ameer Minai

---

---

kahan aa ke rukne the raste kahan moD tha use bhul ja
wo jo mil gaya use yaad rakh jo nahin mila use bhul ja

Amjad Islam Amjad

---

---

koi purana KHat kuchh bhuli-bisri yaad
zaKHmon par wo lamhe marham hote hain

Anjum Irfani

---

---

wo ek din jaane kis ko yaad kar ke
mere sine se lag ke ro paDa tha

Anjum Saleemi

---

---

akela pa ke mujh ko yaad un ki aa to jati hai
magar phir lauT kar jati nahin main kaise so jaun

Anwar Mirzapuri

---

---