جو یہ ہندوستاں نہیں ہوتا
تو یہ اردو زباں نہیں ہوتی

عبد السلام

---

---

وہ کرے بات تو ہر لفظ سے خوشبو آئے
ایسی بولی وہی بولے جسے اردو آئے

احمد وصی

---

---

ڈال دے جان معانی میں وہ اردو یہ ہے
کروٹیں لینے لگے طبع وہ پہلو یہ ہے

اکبر الہ آبادی

---

---

شہد و شکر سے شیریں اردو زباں ہماری
ہوتی ہے جس کے بولے میٹھی زباں ہماری

الطاف حسین حالی

---

---

ملاؔ بنا دیا ہے اسے بھی محاذ جنگ
اک صلح کا پیام تھی اردو زباں کبھی

آنند نرائن ملا

---

---

جو دل باندھے وہ جادو جانتا ہے
مرا محبوب اردو جانتا ہے

انیس دہلوی

---

---

ہاں مجھے اردو ہے پنجابی سے بھی بڑھ کر عزیز
شکر ہے انورؔ مری سوچیں علاقائی نہیں

انور مسعود

---

---