umid-e-wasl ne dhoke diye hain is qadar 'hasrat'
ki us kafir ki han bhi ab nahin malum hoti hai

Chiragh Hasan Hasrat

---

---

ummid to bandh jati taskin to ho jati
wada na wafa karte wada to kiya hota

Chiragh Hasan Hasrat

---

---

mujh ko auron se kuchh nahin hai kaam
tujh se har dam umid-wari hai

Faez Dehlvi

---

---

dil na-umid to nahin nakaam hi to hai
lambi hai gham ki sham magar sham hi to hai

Faiz Ahmad Faiz

---

---

tere wadon pe kahan tak mera dil fareb khae
koi aisa kar bahana meri aas TuT jae

Fana Nizami Kanpuri

---

---

kuchh kaTi himmat-e-sawal mein umr
kuchh umid-e-jawab mein guzri

Fani Badayuni

---

---

maujon ki siyasat se mayus na ho 'fani'
girdab ki har tah mein sahil nazar aata hai

Fani Badayuni

---

---