asar ye tere anfas-e-masihai ka hai 'akbar'
allahabad se langDa chala lahore tak pahuncha

Akbar Allahabadi

---

---

chahiye kya tumhein tohfe mein bata do warna
hum to bazar ke bazar uTha laenge

Ata Turab

---

---

main ne bheji thi gulabon ki bashaarat us ko
tohfatan us ne bhi KHushbu-e-wafa bheji hai

Hamid Sarosh

---

---

aur kuchh tohfa na tha jo late hum tere niyaz
ek do aansu the aankhon mein so bhar laen hain hum

Meer Hasan

---

---

kai tarah ke tahaif pasand hain us ko
magar jo kaam yahan phul se nikalta hai

Rana Amir Liyaqat

---

---

aaj bhi shayad koi phulon ka tohfa bhej de
titliyan manDla rahi hain kanch ke gul-dan pa

Shakeb Jalali

---

---