kab kahan kya mere dildar uTha laenge
wasl mein bhi dil-e-be-zar uTha laenge
chahiye kya tumhein tohfe mein bata do warna
hum to bazar ke bazar uTha laenge
yun mohabbat se na hum KHana-ba-doshon ko bula
itne sada hain ki ghar-bar uTha laenge
ek misre se ziyaada to nahin bar-e-wajud
tum pukaroge to har bar uTha laenge
gar kisi jashn-e-masarrat mein chale bhi jaen
chun ke aansu tere gham-KHwar uTha laenge
kaun sa phul sajega tere juDe mein bhala
is shash-o-panj mein gulzar uTha laenge
Ghazal
Kab kahan kya mere dildar uTha laenge
Ata Turab