dil ki taklif kam nahin karte
ab koi shikwa hum nahin karte

Jaun Eliya

---

---

hum ajab hain ki us ki bahon mein
shikwa-e-narasai karte hain

Jaun Eliya

---

---

kaise kahen ki tujh ko bhi hum se hai wasta koi
tu ne to hum se aaj tak koi gila nahin kiya

Jaun Eliya

---

---

hum gae the us se karne shikwa-e-dard-e-firaq
muskura kar us ne dekha sab gila jata raha

Josh Malihabadi

---

---

wo karen bhi to kin alfaz mein tera shikwa
jin ko teri nigah-e-lutf ne barbaad kiya

Josh Malihabadi

---

---

sunega kaun meri chaak-damani ka afsana
yahan sab apne apne pairahan ki baat karte hain

Kaleem Aajiz

---

---

dekhne wala koi mile to dil ke dagh dikhaun
ye nagri andhon ki nagri kis ko kya samjhaun

Khalilur Rahman Azmi

---

---