hum bahut dur nikal aae hain chalte chalte
ab Thahar jaen kahin sham ke Dhalte Dhalte

Iqbal Azeem

---

---

tum parindon se ziyaada to nahin ho aazad
sham hone ko hai ab ghar ki taraf lauT chalo

Irfan Siddiqi

---

---

us ki aankhon mein utar jaane ko ji chahta hai
sham hoti hai to ghar jaane ko ji chahta hai

Kafeel Aazar Amrohvi

---

---

ab yaad kabhi aae to aaine se puchho
'mahbub-KHizan' sham ko ghar kyun nahin jate

Mahboob Khizan

---

---

kaun samjhe hum pe kya guzri hai 'naqsh'
dil laraz uThta hai zikr-e-sham se

Mahesh Chandra Naqsh

---

---

doston se mulaqat ki sham hai
ye saza kaT kar apne ghar jaunga

Mazhar Imam

---

---

ab to chup-chap sham aati hai
pahle chiDiyon ke shor hote the

Mohammad Alvi

---

---