main har haal mein muskuraata rahunga
tumhaari mohabbat agar sath hogi

Bashir Badr

---

---

main jab so jaun in aankhon pe apne honT rakh dena
yaqin aa jaega palkon tale bhi dil dhaDakta hai

Bashir Badr

---

---

na ji bhar ke dekha na kuchh baat ki
baDi aarzu thi mulaqat ki

Bashir Badr

---

---

patthar mujhe kahta hai mera chahne wala
main mom hun us ne mujhe chhu kar nahin dekha

Bashir Badr

---

---

aat teri yaadon ne dil ko is tarah chheDa
jaise koi chuTki le narm narm galon mein

Bashir Badr

---

---

tum mujhe chhoD ke jaoge to mar jaunga
yun karo jaane se pahle mujhe pagal kar do

Bashir Badr

---

---

ujale apni yaadon ke hamare sath rahne do
na jaane kis gali mein zindagi ki sham ho jae

Bashir Badr

---

---