wo to ghazal suna ke akela khaDa raha
sab apne apne chahne walon mein kho gae

Krishn Bihari Noor

---

---

tum mere pas hote ho goya
jab koi dusra nahin hota

in such a manner are you close to me
when no one else at all there ever be

Momin Khan Momin

---

---

tumhaara nam aaya aur hum takne lage rasta
tumhaari yaad aai aur khiDki khol di hum ne

Munawwar Rana

---

---

dil dhaDakne ka sabab yaad aaya
wo teri yaad thi ab yaad aaya

Nasir Kazmi

---

---

aziz itna hi rakkho ki ji sambhal jae
ab is qadar bhi na chaho ki dam nikal jae

Obaidullah Aleem

---

---

supurd kar ke use chandni ke hathon mein
main apne ghar ke andheron ko lauT aaungi

Parveen Shakir

---

---

wo to KHush-bu hai hawaon mein bikhar jaega
masala phul ka hai phul kidhar jaega

Parveen Shakir

---

---