kitna hai bad-nasib 'zafar' dafn ke liye
do gaz zamin bhi na mili ku-e-yar mein

Bahadur Shah Zafar

---

---

ishq ne mansab likhe jis din meri taqdir mein
dagh ki naqadi mili sahra mila jagir mein

Baqaullah u0027Baqau0027

---

---

hath mein chand jahan aaya muqaddar chamka
sab badal jaega qismat ka likha jam uTha

Bashir Badr

---

---

kabhi main apne hathon ki lakiron se nahin uljha
mujhe malum hai qismat ka likkha bhi badalta hai

Bashir Badr

---

---

tadbir se qismat ki burai nahin jati
bigDi hui taqdir banai nahin jati

Dagh Dehlvi

---

---

kabhi meri talab kachche ghaDe par par utarti hai
kabhi mahfuz kashti mein safar karne se Darta hun

Fareed Parbati

---

---

kho diya tum ko to hum puchhte phirte hain yahi
jis ki taqdir bigaD jae wo karta kya hai

Firaq Gorakhpuri

---

---