usi ko dasht-e-KHizan ne kiya bahut pamal
jo phul sab se hasin mausam-e-bahaar mein tha

Junaid Hazin Lari

---

---

dekhiye kya dikhati hai taqdir
chup khaDa hun gunahgaron mein

Lala Madhav Ram Jauhar

---

---

yar par ilzam kaisa ai dil-e-KHana-KHarab
jo kiya tujh se teri qismat ne us ne kya kiya

Lala Madhav Ram Jauhar

---

---

daulat nahin kaam aati jo taqdir buri ho
qarun ko bhi apna KHazana nahin milta

Mirza Raza Barq

---

---

nairangi-e-siyasat-e-dauran to dekhiye
manzil unhen mili jo sharik-e-safar na the

Mohsin Bhopali

---

---

tum hamare kisi tarah na hue
warna duniya mein kya nahin hota

your love by any means I could not gain
Or else in life what would not one attain

Momin Khan Momin

---

---

aad marne ke meri qabr pe aaya 'ghafil'
yaad aai mere isa ko dawa mere baad

Munawar Khan Ghafil

---

---