musafir hi musafir har taraf hain
magar har shaKHs tanha ja raha hai

Ahmad Nadeem Qasmi

---

---

din mein pariyon ki koi kahani na sun
jangalon mein musafir bhaTak jaenge

Bashir Badr

---

---

kai sal se kuchh KHabar hi nahin
kahan din guzara kahan raat ki

Bashir Badr

---

---

musafir hain hum bhi musafir ho tum bhi
kisi moD par phir mulaqat hogi

Bashir Badr

---

---

tumhaare sath hi us ko bhi Dub jaana hai
ye jaanta hai musafir tere safine ka

Farigh Bukhari

---

---

hum musafir hain gard-e-safar hain magar ai shab-e-hijr hum koi bachche nahin
jo abhi aansuon mein naha kar gae aur abhi muskuraate palaT aaenge

Ghulam Husain Sajid

---

---

zara rahne do apne dar pe hum KHana-ba-doshon ko
musafir jis jagah aaram pate hain Thaharte hain

Lala Madhav Ram Jauhar

---

---