hamein saliqa na aaya jahan mein jine ka
kabhi kiya na koi kaam bhi qarine ka
tumhaare sath hi us ko bhi Dub jaana hai
ye jaanta hai musafir tere safine ka
kuchh us ka sath nibhana muhaal tha yun bhi
hamara apna tha andaz ek jine ka
saKHawaton ne gohar-saz kar diya hai unhen
koi sadaf nahin mohtaj aabgine ka
Ghazal
Hamein saliqa na aaya jahan mein jine ka
Farigh Bukhari