huk chehron pe liye chand se pyare bachche
bechte phirte hain galiyon mein ghubare bachche

Bedil Haidri

---

---

ich saDak ek lash paDi thi aur ye likkha tha
bhuk mein zahrili roTi bhi miThi lagti hai

Bekal Utsahi

---

---

jurat-e-shauq to kya kuchh nahin kahti lekin
panw phailane nahin deti hai chadar mujh ko

Bismil Azimabadi

---

---

jab aaya id ka din ghar mein bebasi ki tarah
to mere phul se bachchon ne mujh ko gher liya

Bismil Sabri

---

---

hum hasin ghazlon se peT bhar nahin sakte
daulat-e-suKHan le kar be-faragh hain yaro

Faza Ibn e Faizi

---

---

aaya hai ek rah-numa ke istiqbaal ko ek bachcha
peT hai KHali aankh mein hasrat hathon mein gul-dasta hai

Ghulam Mohammad Qasir

---

---

apni ghurbat ki kahani hum sunaen kis tarah
raat phir bachcha hamara rote rote so gaya

Ibrat Machlishahri

---

---