khilaunon ke liye bachche abhi tak jagte honge
tujhe ai muflisi koi bahana DhunD lena hai

Munawwar Rana

---

---

huke bachchon ki tasalli ke liye
man ne phir pani pakaya der tak

Nawaz Deobandi

---

---

e-zari faqa-kashi muflisi be-samani
hum faqiron ke bhi han kuchh nahin aur sab kuchh hai

Nazeer Akbarabadi

---

---

khaDa hun aaj bhi roTi ke chaar harf liye
sawal ye hai kitabon ne kya diya mujh ko

Nazeer Baaqri

---

---

ghar lauT ke roenge man bap akele mein
miTTi ke khilaune bhi saste na the mele mein

Qaisar-ul-Jafri

---

---

apne bachchon ko main baaton mein laga leta hun
jab bhi aawaz lagata hai khilaune wala

Rashid Rahi

---

---

muflison ki zindagi ka zikr kya
muflisi ki maut bhi achchhi nahin

Riyaz Khairabadi

---

---