ishq mein kuchh nazar nahin aaya
jis taraf dekhiye andhera hai

Nooh Narvi

---

---

anjam-e-wafa ye hai jis ne bhi mohabbat ki
marne ki dua mangi jine ki saza pai

Nushur Wahidi

---

---

ek rishta bhi mohabbat ka agar TuT gaya
dekhte dekhte shiraaza bikhar jata hai

Nushur Wahidi

---

---

aziz itna hi rakkho ki ji sambhal jae
ab is qadar bhi na chaho ki dam nikal jae

Obaidullah Aleem

---

---

zamin ke log to kya do dilon ki chahat mein
KHuda bhi ho to use darmiyan lao mat

Obaidullah Aleem

---

---

main us ki dastaras mein hun magar wo
mujhe meri raza se mangta hai

Parveen Shakir

---

---

teri chahat ke bhige jangalon mein
mera tan mor ban kar nachta hai

Parveen Shakir

---

---