din bhar to main duniya ke dhandon mein khoya raha
jab diwaron se dhup Dhali tum yaad aae

Nasir Kazmi

---

---

zara si baat sahi tera yaad aa jaana
zara si baat bahut der tak rulati thi

Nasir Kazmi

---

---

dil mein na ho jurat to mohabbat nahin milti
KHairaat mein itni baDi daulat nahin milti

Nida Fazli

---

---

hosh walon ko KHabar kya be-KHudi kya chiz hai
ishq kije phir samajhiye zindagi kya chiz hai

Nida Fazli

---

---

tum se chhuT kar bhi tumhein bhulna aasan na tha
tum ko hi yaad kiya tum ko bhulane ke liye

Nida Fazli

---

---

wo ek hi chehra to nahin sare jahan mein
jo dur hai wo dil se utar kyun nahin jata

Nida Fazli

---

---

dil ke do hisse jo kar Dale the husn-o-ishq ne
ek sahra ban gaya aur ek gulshan ho gaya

Nooh Narvi

---

---