jis ko hum ne chaha tha wo kahin nahin is manzar mein
jis ne hum ko pyar kiya wo samne wali murat hai

Aitbar Sajid

---

---

as ek hi bala hai mohabbat kahen jise
wo paniyon mein aag lagati hai aaj bhi

Ajeet Singh Hasrat

---

---

ishq nazuk-mizaj hai behad
aql ka bojh uTha nahin sakta

Akbar Allahabadi

---

---

mohabbat ka tum se asar kya kahun
nazar mil gai dil dhaDakne laga

Akbar Allahabadi

---

---

han kabhi KHwab-e-ishq dekha tha
ab tak aankhon se KHun Tapakta hai

Akhtar Ansari

---

---

jab se munh ko lag gai 'aKHtar' mohabbat ki sharab
be-piye aaThon pahar madhosh rahna aa gaya

Akhtar Ansari

---

---

kisi ke tum ho kisi ka KHuda hai duniya mein
mere nasib mein tum bhi nahin KHuda bhi nahin

Akhtar Saeed Khan

---

---