na kar 'sauda' tu shikwa hum se dil ki be-qarari ka
mohabbat kis ko deti hai miyan aaram duniya mein

Sauda Mohammad Rafi

---

---

mohabbat mein ek aisa waqt bhi aata hai insan par
sitaron ki chamak se choT lagti hai rag-e-jaan pa

Seemab Akbarabadi

---

---

visal-e-yar se duna hua ishq
maraz baDhta gaya jun jun dawa ki

Shad Lakhnavi

---

---

ishq ki ibtida to jaante hain
ishq ki intiha nahin malum

Shafiq Jaunpuri

---

---

ya tere alawa bhi kisi shai ki talab hai
ya apni mohabbat pe bharosa nahin hum ko

Shahryar

---

---

ye kya hai mohabbat mein to aisa nahin hota
main tujh se juda ho ke bhi tanha nahin hota

Shahryar

---

---

sine mein be-qarar hain murda mohabbaten
mumkin hai ye charag kabhi KHud hi jal paDe

Shahzad Ahmad

---

---