ishq wo kar-e-musalsal hai ki hum apne liye
ek lamha bhi pas-andaz nahin kar sakte

Rais Farogh

---

---

os se pyas kahan bujhti hai
musla-dhaar baras meri jaan

Rajinder Manchanda Bani

---

---

ajab chiz hai ye mohabbat ki bazi
jo haare wo jite jo jite wo haare

Raza Hamdani

---

---

sham Dhale ye soch ke baiThe hum apni taswir ke pas
sari ghazlen baiThi hongi apne apne mir ke pas

Saghar Azmi

---

---

tum kya jaano apne aap se kitna main sharminda hun
chhuT gaya hai sath tumhaara aur abhi tak zinda hun

Saghar Azmi

---

---

tum se milti-julti main aawaz kahan se launga
taj-mahal ban jae agar mumtaz kahan se launga

Saghar Azmi

---

---

kyun meri tarah raaton ko rahta hai pareshan
ai chand bata kis se teri aankh laDi hai

Sahir lakhnavi

---

---