jis din se chala hun meri manzil pe nazar hai
aankhon ne kabhi mil ka patthar nahin dekha
Bashir Badr
ai jazba-e-dil gar main chahun har chiz muqabil aa jae
manzil ke liye do gam chalun aur samne manzil aa jae
Mine heart's resolve if I so wish, all will be so nigh and clear
I take two steps toward my goal, and straight ahead it would appea
Behzad Lakhnavi
manzil na mili to gham nahin hai
apne ko to kho ke pa gaya hun
Ehtisham Husain
nahin nigah mein manzil to justuju hi sahi
nahin visal mayassar to aarzu hi sahi
Faiz Ahmad Faiz
nahin hoti hai rah-e-ishq mein aasan manzil
safar mein bhi to sadiyon ki masafat chahiye hai
Farhat Nadeem Humayun
manzilen gard ke manind uDi jati hain
wahi andaz-e-jahan-e-guzaran hai ki jo tha
Firaq Gorakhpuri
koi manzil aaKHiri manzil nahin hoti 'fuzail'
zindagi bhi hai misal-e-mauj-e-dariya rah-rau
Fuzail Jafri