mohabbat ek KHushbu hai hamesha sath chalti hai
koi insan tanhai mein bhi tanha nahin rahta

Bashir Badr

---

---

ujale apni yaadon ke hamare sath rahne do
na jaane kis gali mein zindagi ki sham ho jae

Bashir Badr

---

---

ye maza tha dil-lagi ka ki barabar aag lagti
na tujhe qarar hota na mujhe qarar hota

Dagh Dehlvi

---

---

puchh lete wo bas mizaj mera
kitna aasan tha ilaj mera

Fahmi Badayuni

---

---

aur bhi dukh hain zamane mein mohabbat ke siwa
rahaten aur bhi hain wasl ki rahat ke siwa

sorrows other than love's longing does this life provide
comforts other than a lover's union too abide

Faiz Ahmad Faiz

---

---

tumhaari yaad ke jab zaKHm bharne lagte hain
kisi bahane tumhein yaad karne lagte hain

Faiz Ahmad Faiz

---

---

ek raat wo gaya tha jahan baat rok ke
ab tak ruka hua hun wahin raat rok ke

Farhat Ehsas

---

---