duniya ke sitam yaad na apni hi wafa yaad
ab mujh ko nahin kuchh bhi mohabbat ke siwa yaad

Jigar Moradabadi

---

---

ek lafz-e-mohabbat ka adna ye fasana hai
simTe to dil-e-ashiq phaile to zamana hai

Jigar Moradabadi

---

---

ye ishq nahin aasan itna hi samajh lije
ek aag ka dariya hai aur Dub ke jaana hai

Jigar Moradabadi

---

---

dil ki choTon ne kabhi chain se rahne na diya
jab chali sard hawa main ne tujhe yaad kiya

Josh Malihabadi

---

---

jhuki jhuki si nazar be-qarar hai ki nahin
daba daba sa sahi dil mein pyar hai ki nahin

Kaifi Azmi

---

---

dil tham ke karwaT pe liye jaun hun karwaT
wo aag lagi hai ki bujhae na bane hai

Kaleem Aajiz

---

---

zalim tha wo aur zulm ki aadat bhi bahut thi
majbur the hum us se mohabbat bhi bahut thi

Kaleem Aajiz

---

---